【Viu】喺熱血又暖心嘅勵志電影《逆轉上半場》入面，Gigi梁詠琪同Peter陳湛文呢對組合甚有戲劇張力。Gigi飾演嘅角色，本身係食好住好、喺商場上叱咤風雲嘅女強人，但一場股災，令佢由「深水灣」直插「深水埗」。而Peter就演一位曾經風光無限嘅足球員，因傷退下火線，人生同事業同樣卡關。
Gigi表示，新戲講嘅唔止係足球，而係每個人都會遇到嘅逆境。佢戲中有句對白「你一日唔認輸，你一日都未輸」，更加成為角色喺低潮入面撐住自己、繼續追夢嘅力量來源！
至於Peter就話，對佢嚟講，呢套齣戲係一次成年人要重新學習「相信下一代」嘅過程。而面對呢班精力充沛嘅小拍檔，開工一啲都唔悶。除咗要同佢哋排戲、走位，佢仲會負責同小朋友「傾偈破冰」，由生活瑣事一路傾到人生大事，甚至直接同佢哋暢談「擇偶條件」添！想睇呢兩個角色點樣陪住一班小朋友追夢，即刻睇Viu1人物專訪啦！
