【Viu】電影《逆轉上半場》今日舉行開鏡儀式，一眾主演GiGi梁詠琪、Peter陳湛文、朱栢康、Rachel梁雍婷、凌文龍等，現身主景足球訓練場，齊齊同陽光玩遊戲！
Peter、朱康面對「高妹」GiGi，全程做訪問都keep住趷高腳「增高」，GiGi睇到笑死咗！電影圍繞足球，佢哋話咁啱食正巴黎奧運熱潮，成件事超熱血！Peter笑話晚晚都喪睇比賽，轉台轉到部電視就快爛；GiGi就話最鍾意睇跳水，會同老公一齊睇靚仔添！
至於足球啦喎，唔知佢哋又耍唔耍家呢？朱康沾沾自爆啱啱去完英國跟操，咁堅？有足球底子嘅Peter、新手GiGi指成套戲最叻嘅係班小朋友，所以就唔諗住班門弄斧，無謂獻醜咁話！
另外，GiGi日前飛台灣開side track演唱會撞正超強颱風「格美」，佢話好彩順利舉行，再宣布嚟緊11月就會移師香港搞，係全新廣東歌rundown，期待值5**！
