【Viu】正所謂「三個女人一個墟」，當賀歲片《臨時決鬥》三位女主角Gigi梁詠琪、「娜姐」周秀娜、Louise王丹妮，圍埋一齊會發生咩事？當然就係劇透新戲嘅爆點啦！
一心想拍喜劇嘅Louise，今次畀佢願望成真，但佢點估都估唔到咁hardcore，因為一男子陳湛文，而要同「小三」娜姐上擂台決一高下！拍打戲少不免會受傷，佢哋就大爆拍打女人交嗰陣個畫面係有幾咁狼死，娜姐右腳仲爆缸流血要縫針，事後娜姐竟然話呢次腳傷係濕濕碎？咁堅？
拍攝前Gigi都有join泰拳團，但最後都唔需要佢大打出手，反而就出口搞笑多，變成戲中嘅搞笑擔當！佢又爆「老公」古天樂喺片場父愛滿瀉，對住「囡囡」魚蛋妹嗒晒糖，直頭係有股暖男味滲出嚟！古仔嘅呢一面又真係少見喎！
同戲仲有幾位城寨巴打，分別係胡子彤、張文傑、伍允龍、喬靖夫，3位女神齊齊流晒口水咁點名子彤BB喺片場係最賞心悅目嘅！究竟子彤BB使出咗啲咩法寶嚟「引誘」3位女神？另外，Gigi、娜姐、Louise每逢過年必做啲咩事？想知呢？老規矩，快啲睇片啦！
