【Viu】古天樂、GiGi梁詠琪、Louise王丹妮、胡子彤、German張文傑同陳湛文等今晚出席賀歲片《臨時決鬥》首映，古生笑爆啲揮春似神主牌，兼且作狀拜拜，笑爆全場！
最近古仔啲訪問備受網友熱捧，是夜佢亦繼續暴走，先爆笑話新年唔拜年，淨係去謝票，繼而聽到子彤話40萬就著熱褲謝票反白眼，最後仲自爆有珍藏那些年排球隊嘅排球褲，仲話想開套《T-Back排球隊》，笑到GiGi喘晒氣，更話私下有狂Loop古仔啲訪問。古仔對此表示「懷疑人生」，但都想多啲拍喜劇娛樂大家，不過冇可能超越到經典賀歲片《嚦咕嚦咕新年財》㗎喇！
至於「子彤BB」就話要拉埋「German BB」齊齊著戲中嘅熱褲謝票，連Size都講埋，搞到Louise都「懷疑人生」呀！想笑餐飽就睇足本訪問啦！
