【Viu】《KEUNG TO "LAVA" LIVE 2025》嚟到第7場，適逢今晚平安夜，演唱會喺9點半開場，姜濤今日先深度拆解「姜A」，佢直言「姜A」好痴線，連花姐都畀「姜A」激到要食藥，成為「MIRROR第一人」！姜濤深明「姜A」嘅暴躁脾氣傷害咗家人同朋友，希望佢少啲出現，又笑言或者之後會變埋「姜C」呢，So Funny！
今晚嘉賓請嚟師傅Fatboy做嘉賓，率先首唱Boxing Day先派台嘅《獅虎流》，姜濤仲笑Fatboy件衫閃過自己；Fatboy又送上岑寧兒嘅《追光者》畀姜濤，寓意自己會繼續做徒弟背後嘅影子，一直Back Up佢，So Sweet！
話晒都係平安夜，姜Admin都應節戴上聖誕帽登場，仲送上聖誕限定嘅《Love Song》向前輩方大同致敬。最後姜Admin獻出「亞博倒數」第一次，期間不斷大叫拖時間好難，Cute爆祝大家聖誕快樂，喺唱《蒙著嘴說愛你》時，仲整蠱師傅Fatboy添！
