【Viu】ViuTV劇集《季前賽》噚晚播完第十集，袁劍偉導演又同班演員齊齊開Live，呢晚不得不提阿孝同豬潤場春光乍洩和解戲，嗰Part舞簡直hehe情滿瀉，肥仔話好難忍笑，不過由於佢同姜濤已經拍過太多呢類型嘅搞笑片，已經開始免疫咁話喎！肥仔仲自爆喺劇中嘅「祼照」全部都係導演揸機，仲大膽到話袁導好有龍友Feel添。
而當有觀眾留言讚張繼聰係一位成功嘅喜劇演員，原本以為佢會勁沾沾啦，點知佢居然嬲豬，話自己係當偶像咁演，仲話諗住今次靚仔過姜濤！咁搞笑得唔得㗎？另外袁導呢晚都有回應返fans覺得Ian戲份太少嘅問題，佢預告嚟緊第11-15集Ian嘅戲份就會多好多，有關於瀚林隊嘅，亦有關於卓立峰同櫈仔嘅。
