【Viu】 獨立樂隊The Hertz喺大佬正馮庭正嘅牽線下，幫《季前賽》創作插曲《Always Gotcha》及片尾歌《痴漢之歌》，曲詞編監都有份。五位成員Herman、Marco、Him、Ricky同埋Ray都話可以同痴漢隊嘅張繼聰、姜濤、Edan、Stanley、 肥仔同193合作，簡直既緊張又興奮。不過導演袁劍偉為求完美，有幾次聽完首歌都唔收貨，彈返轉頭呀！Keyboard手兼填詞人Him表示寫《痴漢之歌》，希望帶出一班人眾志成城，就算輸都輸得開心呢個訊息。主音Herman坦言要做一首6個人合唱嘅歌，陣容仲要咁強勁，佢哋覺得好大壓力，喺寫Melody嘅時候為咗突出各人嘅character，都花咗唔少心思鑽研。喺參與錄製過程中，The Hertz見識到MIRROR成員嘅認真，亦都覺得ERROR嘅肥仔同193相當有驚喜。至於教練阿聰唔止喺劇中有大量爆肚位，連唱《痴漢之歌》時都有整返句喎！
