【Viu】「皇上」張敬軒今日為獎學金頒獎禮擔任特別嘉賓，現身嗰刻畀全場同學仔一個大大嘅surprise！軒公透露啱啱今朝已跑一場女校分享會，每次都好開心可以同同學仔share自身經歷，莫非軒公堅係ready投身教育界？
講到同「富二代」Tyson Yoshi、Christy、婁峻碩、凡凡嘆魚子醬放題，佢指Tyson唔係富二代嚟嘅，只係隻識生金蛋嘅鵝啫！笑指軒公當晚變「電燈膽」，佢就話其實餐飯早喺意大利嗰陣就約好，咁啱可以賀埋凡凡有B！
日前軒公飛新加坡參加音樂節，佢話同韓國天王Rain只係擦身而過，但仍feel到對方「韓式呼吸」嘅威力！軒公仲爆咗個小秘密，就係臨飛新加坡前夕打十號波，佢print咗張同謝霆鋒嘅A3合照貼窗，背後嘅寓意勁爆笑！雖然因為呢次新加坡之行錯過咗Kenny嘅啟德騷，但軒公都有「人到」支持老友，喺Kenny唱《總有一站愛上你》嗰陣「現身」大銀幕！對Kenny喺表演街頭健身嗰part不慎跌地，佢話睇到片嗰陣都嚇一嚇，事後已問候對方！
至於提及拉闊戰友Sammi鄭秀文拉傷背腰，軒公話唔知情況咁嚴重，暫時只透過公司慰問，希望Sammi快啲好返！目前未知跳舞部份有冇需要更改，但有需要嘅話軒公可以幫手跳多啲！另外，講到好友Will柯煒林入圍金馬影帝，軒公興奮表示係好消息，大讚對方係一位低調、用心嘅演員，希望Will可以攞獎！想知軒公喺訪問入面仲講咗啲咩？咁就要去片啦！
