【Viu】颱風韋帕來勢洶洶，張敬軒喺三號波下現身澳門銀河天浪淘園，參加幻影狂野派對熱唱《羅賓》、《酷愛》、《My Way》，軒公仲專登着咗件黑色bling bling背心戰衣，大晒「老鼠仔」！佢更自備「大炮」嚟同fans Let’s get wet，沾沾話係由米蘭空運返嚟，保證射中會痛！不過軒公支「大炮」可能太勁，每發射幾吓就要「入彈」，持久力睇嚟有待改善！
軒公指都唔太擔心天氣，因為知道聽日先掛8號波，只係擔心fans今晚點返屋企！佢搞笑話怕上台唱歌嗰陣會分心，事關未試過台下嘅fans係着得咁少布，感覺去咗「果園」咁，一放眼望落去全部都係「生果」、「波」濤淘湧，令佢終於見識到咩係人造浪，認真幽默風趣！
自爆有着泳褲打底嘅軒公，唔知會唔會繼Tyson嘅啟德騷後，表演多次插水？現場又有冇kiss cam？但軒公就怕醜冇講係咩款式嘅泳褲，總之某part唔會揈吓揈吓咁唱啦，真鬼馬！
講到佢飛意大利參加「屋企人」Tyson同Christy嘅婚禮，軒公謙稱冇網上寫到佢咁巴閉，只係職業病發作幫吓手啫！佢更大爆Christy做咗一件好sweet嘅事，軒公覺得最sweet嘅moment係邊part？有冇變大喊包？另外，英皇早前傳出有債務危機，軒公話老闆楊受成有同藝人解釋，冇嘢要擔心！快啲入嚟睇足本訪問啦！
