【Viu】為咗紀念入行20周年,Ivana王菀之相隔11年再登紅館舉行兩場《合體 – 王菀之演唱會2025》。噚晚頭場,Ivana自彈自唱又跳現代舞,令全場Fans都陶醉喺佢嘅音樂世界之中!Ivana隨後同觀眾打招呼,Fans歡呼大叫「好靚呀你!」及「好瘦」等,Ivana搞笑回應:「你打俾我教練啦,佢辛苦過我,佢train我之後,佢瘦咗。」
全晚嘅焦點一定落喺「皇上」同「皇后」合體嘅部份,台面出現咗兩張對坐椅子,Ivana表示:「係好特別,呢首歌送俾現場每一位,送俾我自己,亦送埋俾佢。」繼而「靈魂伴侶」張敬軒升上台,兩人唔出聲又不敢對視,當《下次愛你》音樂響起,Ivana就忍不到開始喊,軒仔都跟著缺堤,兩人唱完互相擁抱,軒仔仲錫錫Ivana先落台,搞到Fans都眼濕濕。
今次演唱會,Ivana表明冇準備安歌,因為觀眾喺完場時不停狂叫,又唔肯離開,最後Ivana一個人行出場手握電話:「好多謝你哋咁熱烈同鼓勵我出返嚟, 我點解帶電話,一係你哋話我聽你想聽咩,我驚我唔記得歌詞,我成日覺得encore要係真嘅,如果冇人嗌就唔好出嚟,所以冇預就冇準備定啦。」最後Ivana自彈自唱2007年嘅作品 《面具》!
現場實況: 王菀之入行20年個唱 一聽《下次愛你》即爆喊 「靈魂伴侶」嘉賓張敬軒亦被牽動跟著哭