【Viu】張敬軒同白雪公主撞樣呢單嘢成近期熱話，唔少網民用AI合成咗唔少惡搞劇照，其後「雪姑軒」拍咗條高汁自抽片，更扮埋「黑魔軒」娛樂大家，呢單嘢真係笑死無命賠！
而今日軒公本尊現身代言活動，講到條高汁自抽片，點知佢笑話只係求其拍，what？認真拍仲得了嘅？軒公仲透露唔少拍攝趣事，包括塊魔鏡原來係用兩張A3 DIY而成！佢又大讚化妝師超勁，達到整容級數，但軒公笑話化完妝嗰吓係有少少失望，佢以為會成為一個靚到dum一聲嘅公主，點知出到嚟效果係勁似一位台灣歌后！
至於之後會唔會堅請「真·黑魔后」Ivana王菀之、「七個小Tyson」Tyson Yoshi拍多個version？軒公又點回應被Ivana爆從未邀請過佢拍片？提起Tyson早前「簽胸口」，軒公直言心血少都接受唔到呢個資訊，又大叫：「我老啦！」軒公又可唔可以「簽胸口」？
摯友方大同2個月前突病逝，薛凱琪認抑鬱復發，軒公話冇特別搵對方，各自留空間獨處，又自爆曾夢見方大同扎醒，要畀啲時間自己recover。另外，身為「樂壇社工」嘅軒公，亦有就Jeremy近日陷抄襲風波發表自己見解，認為米媽會handle到；再聞「老婆」七師傅被狙擊，佢則讚「愛人」好有智慧，唔太擔心！想知更多就快啲去睇足本訪問啦！
