【Viu】韓國人氣女神鄭彩娟空降香港現身時裝活動，女神用廣東話向粉絲打招呼，又大派心心，勁Sweet！彩娟又表示10年前喺香港拍出道MV，而第一個家族旅行都係嚟香港添！呢啲咪緣份囉！
Marf@COLLAR啱啱同Locker去完驚喜日本之旅，呢個最佳女友為咗呃生日嘅男友去機場，籌備足幾個月，除咗夾雙方經理人，吳肇軒同「古添樂」就負責頂Job，真係老Best！自認儀式感滿滿嘅Marf，下個目標係媽咪呀！真係孝順女！
蔡思韵透露早前去完台灣拍鬼片，除咗要表演拱橋，最開心就係孖男神楊祐寧合作。對於「國民老公」男友劉俊謙寫緊劇本，會自薦做女主角？咁又點同男友慶祝生日？想知更多就快啲睇足本訪問片啦！
