【Viu】韓國女團LE SSERAFIM「忙內」洪恩採今日現身品牌活動，fans塞爆商場3層樓兼自備「大炮」超誇張！當女神出場嗰個moment，全場fans即刻歡呼尖叫，喪嗌女神全名應援，場面勁澎湃！見恩採揮手兼派心，打招呼嗰陣又用撒嬌mode多謝fans嚟支持佢，冧到fans暈晒大浪啦！
恩採透露呢次係佢首次單拖去海外日程，感覺係既陌生又緊張，話之前同其他成員嚟香港都好期待去食點心，希望今次都有個好好嘅回憶！恩採亦開心share平時嘅着衫風格，最後仲預告埋準備緊新專輯，資訊性Max！同場Marf、Day秒變小fans話想同恩採selfie，唔知佢哋又成唔成功呢？
啱啱先喺紐約參加完fashion week嘅Marf，一落機就即刻換咗個新look，孖好姊妹Day出活動！Marf話呢次快閃之旅最正係可以同到Griff集郵，開心話對方認得佢呀！早前Day就同Ivy So飛咗轉泡菜國進修跳舞，Ivy So返嚟之後自爆有艷遇，唔知Day又有冇遇到Oppa搭訕？Marf、Day預告新團歌、新團綜are coming soon，終極劇透團綜係出埠拍攝嘅，但實際係咩主題、內容就未知啦！
噚日元宵佳節見Marf公開咗條同男友Locker嘅跳舞片放閃，Marf盛讚Locker對跳唱超有熱誠，亦絕對有天份，又爆男友本來係想挑戰sexy路線，同埋原來佢哋私下有拍開跳舞片，遲吓會逐條出post畀大家睇！定不如叫Locker參加《全民造星VI》？
另外，聽日就係情人節，Day搞爛gag話約咗Gao去放狗，順便做隻「單身狗」，真係畀佢笑死！而Marf喺訪問入面自薦幫Day拍MV嘅bts，莫非之後有嘢會宣布？有傳COLLAR會為啟德開幕禮演出又係唔係堅嘅？快啲睇足本訪問片啦！
足本訪問： 韓女神洪恩採@LE SSERAFIM閃現香港勁墟冚 撒嬌mode揮手派心冧暈fans 預告準備新專輯 Marf冧談與男友Locker跳舞放閃 預告出埠拍團綜 Day搞爛gag稱情人節做單身狗
足本訪問： 韓女神洪恩採@LE SSERAFIM閃現香港勁墟冚 撒嬌mode揮手派心冧暈fans 預告準備新專輯 Marf冧談與男友Locker跳舞放閃 預告出埠拍團綜 Day搞爛gag稱情人節做單身狗
