【Viu】黃秋生、蘇玉華、George歐鎮灝、Marf邱彥筒、衛詩雅、周家怡等今晚出席《香港電影工作者總會2025春茗晚宴》，由秋生、阿蘇同George主演嘅《不赦之罪》將於6月上映，亦係總會投資嘅第一套電影，秋生笑言好榮幸，仲自爆係無酬演出添！秋生同阿蘇又大讚首次拍戲嘅George聰明又靚仔，仲話睇好阿蘇攞硬香港舞台劇獎嘅劇后，同睇好《虎毒不》嘅談善言攞金像獎影后一樣，Sure Win呀！
講到日前喺網台節目中批評Tyson Yoshi嘅《1994》MV係垃圾，秋生澄清唔係「大蝦細」，只係以技術層面分析，事關當年呢種曲風真係叫「垃圾歌」，唔會入腦，又話Cloud墮樓戲唔可以稱為向《無間道》嘅「黃Sir之死」致敬，因為根本唔夠穿透力！秋生哥仲話游學修有提議自己再拍片解釋，但一口拒絕，係咪好想知點解呢？
此外，Marf雖然孖男友Locker同場，竟然自爆對某韓星心心眼，仲開心share睇好邊位COLLAR隊友接力出pool，想知就睇足本訪問啦！
