【Viu】Marf@COLLAR、Lyman香胤宅今日盛裝現身電訊盈科媒體全新皇牌劇集《THE SEASON》發布會，二人興奮話好開心可以參演，同多位國際演員合作感榮幸！首拍劇嘅Lyman直言好緊張，但好彩係英文對白為主，咁就冇咁驚啦！佢哋異口同聲咁話未係好清楚演咩角色，但就知道會上遊艇拍攝，Lyman自薦着bikini同時，Marf就話着四角泳褲，咁反串？
Marf仲話勁期待劇中嘅復仇情節，笑話好想做受害者，莫非Marf係M底嘅？講到Koki木村光希都有份演出，佢哋就話未知有冇對手戲，Marf話喺亞洲電影大獎上見到對方，不過就怕醜未有集郵！對朱芸編喺當晚憑《破·地獄》攞「最佳原創音樂」嗰陣，公開感謝女朋友Winka令戀情曝光，Marf當下有咩反應？原來Winka都喺現場？同時經理人戴穎又被爆撻着馬志威，Marf點為經理人護航？
Thor駱振偉、Mishy李昭南除擔任發布會MC外，亦同為劇集《THE SEASON》嘅演員！Thor坦言有份參演係恩賜，應該係平時扶阿婆過馬路得多嘅「獎勵」！至於Mishy亦話估唔到有呢個機會，最想同邊位巨星對戲？佢又自爆當時cast咗兩個角色，分別係辣妹同記者，結果係咪呢兩個角色嘅其中一個？上遊艇拍攝又使唔使着泳衣？
另外，想知一眾主演Jessie Mei Li、Anson Lo、林嘉欣、錢裕揚、Yvonne Chapman、盧靖姍、Toby Stephens等演咩角色？即刻去睇足本訪問啦！
