【Viu】真係好耐冇見「國民老公」劉俊謙啦！原來劉老公最近忙拍戲，至於係邊套？關於咩？佢就大賣關子啦！呢日佢手戴價值等同首期嘅名錶，笑話自覺寧舍穩重！私下會唔會同女友蔡思韵戴情侶錶？月底劉謙就37歲生日，有冇咩慶祝活動？係時候成家立室？
林峯、胡子彤早前都有透露城寨《終章》嘅籌備進度，唔知劉謙又有咩嘢爆？幾耐冇見城寨巴打？會唔會獻聲唱主題曲？笑提鄭保瑞日前受訪以一個數字嚟形容劉謙，劉謙笑話覺得瑞導好清楚佢，形容得好準確、透徹！佢又指瑞導對佢嘅創作路都畀咗好多意見，希望喺轉字頭前完成到自編自導嘅大作！劉謙入圍試當真白金像獎嘅最佳新演員，會唔會好似Locker咁想撼贏古天樂？佢又有冇留意「師姐」莊梅岩陷「APA風波」？
而大晒美肩嘅李聖經一嚟就大晒廣東話：「大家好！」又放題式派心！女神冧指好想再嚟香港嘅原因係因為想見fans，會唔會太sweet先？講到主演電影啱啱播完，李聖經大讚李棟旭好照顧佢，同成班演員好似屋企人咁！近年李聖經歌影視三棲發展，佢話感謝fans對佢嘅支持，臨走嗰陣除咗留低愛的message畀fans，女神更親自行去fans圍度派福利，係愛呀！
同場仲有內地性感女神鍾楚曦，有傳女神刪除同侯雯元嘅宣布戀情發文，而惹分手疑雲，呢日見鍾楚曦神采飛揚，心情未被分手傳聞影響，佢仲喪同fans互動！即刻去睇足本訪問片！
