【2025年6月16日】「蝦頭」楊詩敏繼前年嘅《獨腳絲打噏の難道停經才去愛》後，再度擔任「文本創作」崗位，度咗個新劇目《獨腳絲打噏の難道手機冇電才去愛？！》嚟延續港式荒誕劇情，舞台劇將喺7月假壽臣劇院公演！呢次佢仲搵埋首屆劇帝張錦程任藝術顧問添，之但係點解唔係搵錦程做男主角嘅？「死因」係啲咩？
蝦頭話今次唔係「性愛博士」啦，反而係以AI做一個方向，大談「AI情人」！唔知蝦頭嘅「AI情人」會係咩樣㗎呢？會唔會同佢嘅男神s撞樣？而講到「撞樣」啦喎，蝦頭之前扮徐子珊扮得出神入化，變咗「徐子蝦」，立吓眼今次舞台劇poster驚變「譚小蝦」？睇嚟蝦頭同港姐有密不可分嘅關係啵！跟手蝦頭自爆過往曾陷入一段自卑期，最後係點自救？依家嘅自信心有增加？即刻將時間交畀蝦頭同大家盡訴心中情！
