【Viu】姜濤同Stanley邱士縉今日出席新劇《無用的謊言》記者會，吸引大批「姜家人」同「波波」撐場，大表姜合體當然少不了互窒，大表哥即席踢爆姜濤同Yoyo嘅親密戲尺度係「有下文」，耐人尋味喎！
講到團綜《MIRROR Chef》熱播中，Stanley自覺煮得有型，皆因煎奄列識落牛油，姜濤聞言即「跟機」話自己都有落，又爆Ian只係扮唔想同自己一組，認真搞笑！至於噚晚笑爆網友嘅「豆漿撈哥」，就再次觸動兩位嘅「笑穴」喇！
對於193喺Do姐節目向姜濤講：「Support You Bro！」姜濤就分享返一直以嚟係點睇3爺，估唔到係咁喎！
此外，蝦頭被Hailey踢爆喺現場睇MV落淚，蝦頭親解原因，果然係一粒有愛嘅姜糖呀！
