【Viu】MIRROR嘅姜濤、Anson Lo、Edan、Jer、Jeremy、Tiger，呢日演出完音樂平台頒獎禮後受訪，逐位大談「三年之約」謎團，姜濤坦言喺團綜只係隨口噏，冇諗過會有咁大迴響：「無論幾年都好，我哋MIRROR都會一齊！」其中Anson Lo直認淨返3年約，對佢而言希望MIRROR全體續約，一齊行到尾，過60大壽！
姜濤、Jeremy分別都話想拍拖，不過都真係要睇緣份，Jeremy仲勁positive quote金句：「希望在明天！」當初又有冇諗過將妒忌大表哥呢件事講出嚟？至於被花姐指冇戀愛感嘅Edan，呢晚就度咗個爛gag回應！佢哋又透露「妹豬組」會繼續行落去，下首歌走型格路線？
對花姐自爆冇為Edan、Jer喺音樂上爭取更多，Jer指一直以嚟都好感謝花姐，當聽到Edan笑言叫花姐幫佢攞男金，Jer又跟唔跟隊？啱啱出咗新歌《大人之後》嘅Jer，預告堅係守承諾兩個月出一首歌，依家製作當中，唔知有冇包括自家創作？
Tiger再次化身「虎導」為女團VIVA執導新歌MV，話好慶幸參與其中，大讚VIVA配合演出又有禮貌！講到如果遲啲拍團綜要同花姐deep talk，虎仔笑言有酒就乜都得！Jer同樣話隨時都talk得，男子漢大丈夫，流血不流淚，勁man呀！
Anson Lo喺節目上即場落妝，佢話一直都無懼以素顏示人，更趁機利申當日落妝後就冇再化妝，唔係如網民所講「有化返少少」！另外，嚟緊Anson Lo會喺8月尾飛新加坡參加WATERBOMB，比起上年唱澳門水上音樂節更wet？準備好泳褲仔？接住最快開個唱嘅Jeremy又籌備成點？得悉體脂、肌肉指數等同2021年嗰陣有幾沮喪？半隊MIRROR情深說話依家講你聽！去片！
