【Viu】《CHILL CLUB推介榜 年度推介24/25》記者會今日喺奧海城舉行，MIRROR成員Alton、Frankie、Tiger同ERROR嘅Fatboy、193齊齊受訪，毫無懸念被ERROR化，193仲提議Fatboy點樣「裸」新增設嘅最佳衣著獎，又爆隊長嘅乳頭係「可遇不可求」，自己就因為玩得多而深色啲，媽呀，小編聽咗啲咩呀？
至於Alton就話得悉入圍「年度男歌手」時，當堂嚇一跳，最開心就係同偶像郭富城齊齊提名；想知Frankie同Tiger對「年度新人男歌手」有冇信心，就睇足本訪問啦！
