【Viu】今晚就係《CHILL เก่ง Music Festival》啦！開騷前先有個《Chill 星級 Gala》紅地氈環節，MIRROR壓軸同泰國女星BOWKYLION登場！12子亦即席拋書包大晒自我介紹嘅泰文，其中忙內Tiger被指最有天份，嚟緊進軍泰國市場？
姜濤日前自爆身體不適，呢日佢派定心丸指有食藥、打針，身體好返好多！而佢今朝亦有同Anson Lo、Edan、Jeremy走school tour，之後仲有冇round two表演？
叱咤「我最喜愛的歌曲」最後5強出爐，姜濤、Ian、Anson Lo各自都有首solo歌佔一席位，佢哋點多謝鏡粉嘅支持？Ian貼心叫Hellosss拉票之餘都要着多件衫，小心身體！繼而講到Ian終於宣布出碟好消息，惟預購即售罄，陳總又會唔會加印？「頭號Hellosss」AK真金白銀買咗幾多隻？
宇宙跳舞天團ERROR預告今晚會跳唱新團歌《野舞士》，當係開會展騷前嘅rehearsal！阿Dee、肥仔、Poki日前cover韓國天王G-Dragon首《HOME SWEET HOME》，被GD本尊親自點讚，4子下一步就係要攻入韓國市場？佢哋仲話要教返GD講中文？
問到ERROR會展騷有冇機會加開一場，193笑住婉拒，因為要見好就收咁話！佢仲搞笑話冇得再「綁架」花姐，不過下一秒就笑花姐放蕩，睇吓會唔會有機見花姐以三點式示人！另外，33噚日話24號有成員唔得閒落區，究竟係邊個？保錡被影到拖住緋聞女友Hana菊梓喬，佢又點回應？33更抵死叫大家聖誕節試捕獲添！快啲去睇足本訪問啦！
