【Viu】談善言、楊偲泳、Locker林家熙、岑珈其同袁富華（Ben哥）今晚出席新片《搗破法蘭克》首映，珈其認為眾籌拍戲係新出路，即席撩Locker夾錢開戲，仲實牙實齒話先拎100萬打本，果然財力雄厚！講到「試當真」宣布結束營運，Locker表示早公眾一星期知悉，認為經歷過咁多是是非非後，結束係最好嘅選擇，仲爆游學修通知自己時講到喊，自己就最唔捨得冇咗個地方一齊玩！而珈其雖然比Locker遲知道，但就口快快踢爆「試當真」會繼續拍電影，包括《小朋友齊打交》真人版，食咗誠實豆沙包咁款，嚇到Locker面都青埋呀！
講到女友Marf為Coldplay做嘉賓嘅演出獲激讚，原來Locker早知道Marf同Chris Martin有合唱環節，仲大讚女友演出滿分兼型爆，唔擔心佢進軍國際後會多咗人爭，呢位兄弟自信滿滿喎！
此外，Ben哥喺《三命》中演出「阿信外父」，中風過馬路一幕被譽為神級演出，佢就咁回應喇，想知就睇足本訪問啦！
