足本訪問： 岑珈其提「先食後畀錢」超市論引爭議 聞大律師解行為屬犯法 利申當下有急切需要非鼓勵 Locker望新戲為眾籌開靚頭 早知馬志威拍拖？ 談善言分享土炮拍攝趣事 Renci謝票重現挑逗情節？

【Viu】電影《搗破法蘭克》今日舉行優先場招待眾籌者，四位主角談善言、Locker林家熙、「爺爺」岑珈其、Renci楊偲泳，着住「大盜」制服，同陳獻略、肥豪、近南哥、嘉盈等現身！Locker話套戲都拍咗兩年，終於可以畀眾籌者睇，都有少少緊張，話晒係首個眾籌project，希望可以開個靚頭！笑問佢哋會唔會即場再叫眾籌者科水？咁啱電影入圍西班牙亞洲夏日電影展，叫眾籌者sponsor機票、酒店錢去西班牙？

呢次拍攝屬眾籌，阿談分享當中土炮拍攝趣事！Renci戲中有場挑逗爺爺嘅戲碼，之後謝票場有冇機會重現？四位更趁機立flag，當過某票房數會派咩福利！

談及爺爺喺Threads度發表嘅「先食後畀錢」超級市場論後惹嚟熱論，爺爺解釋係當日做完圍訪後好驚講咗錯誤資訊，所以就上網問大家意見，同時又想求證自己嘅睇法！聽到有大律師親解「先食後畀錢」係一定犯法，爺爺利申當時係有急切需要先會咁做，唔主張亦唔鼓！至於《膠戰LIVE》開賣秒售罄，爺爺都話好開心，唔知佢到時會唔會以前男團PlayTime身份表演跳唱？