【Viu】193、米露迪、Phoebus吳啟洋、岑珈其、Shirley沈殷怡同Asha徐㴓喬今日出席記者會，宣傳新節目《撞鬼自駕遊II》同《逃出災難紀》。有「少年鬼王」之稱嘅3爺，大爆最驚係同米媽瞓，事關佢除咗撞完鬼狂嘔外，仲無啦啦瞓到發出小朋友笑聲，又話成個Trip都同「小朋友」有緣，最驚係床下底有隻童裝鞋咁話！咦？咁七師傅有冇解釋呢個係咪上天嘅啟示呢？3爺就爆笑回應話未諗做嗲哋，仲為咗一班「地上嘅老婆」而推咗米媽嘅冥婚提議喇！
此外，繼George同Fatboy、193組成「PUZZ13」後，Phoebus又同3爺組成「Buses」，笑爆全場！Phoebus仲喺訪問中大晒搶口功力，除咗話貪珈其夠老要食咗佢外，又笑Asha要袋Shirley入背囊會好重，想笑餐飽就睇足本訪問啦！
