【Viu】《香港電影工作者總會2025春茗晚宴》今晚喺尖沙咀舉行，會長古天樂坦言有幕後人員因為唔夠工開而轉行，希望業界同政府攜手振興香港電影，自己作為演員亦唔介意減片酬出一分力，Respect呀！田啟文仲話今年唔止係「寒冬」，直頭係「冰河時期」，上半年開拍嘅電影10隻手指都數得晒！
講到好友鄭中基傳婚變，古生就話：「希望唔係真啦！」另一好友田啟文亦話留返畀當事人自己交代，但日前同Ronald傾電話講工作就唔覺得有異樣喇！
此外，徐偉棟否認同姚子羚拍拖，但承認係「友達以上 戀人未滿」嘅關係，又指女方多人追，由尖沙咀排到紅磡，自己要攞籌都有排等咁話！
