【Viu】香港電影導演會今日舉行「電影導演教室2024」畢業典放映，參演《日月星辰》嘅關寶慧指戲中同Renci楊偲泳嘅對手最多，難忘拍攝嗰陣要喪避機位，又笑指其實勁怕同小朋友合作，大爆同細路嘈交趣事！惟Renci因趕入場未能受訪！
講到死黨鄧兆尊近日喺網台節目爆有女藝人劈腿六富豪意外懷孕，最後成功拎掟煲費逾600萬！關寶慧笑話都好想問返兆尊主角係邊個，亦相信兆尊會同佢講，網傳主角係陳秀珠？關寶慧就答唔清楚啦，如果佢知道謎底會唔會又畀tips大家估？農曆新年約朋友聚會嗰陣，又會唔會約緋聞男友黃日華？
香港電影工作者總會發言人「田雞」田啟文，直言香港電影業界由「寒冬」漸走向「冰河」時期，又謂業界都不能一面倒靠政府支援，都要向觀眾嘅口味方面着手、考慮改變市場增競爭力，同時希望政府加快落實政策，就好似開拓內地電影市場資助計劃咁！
講到依家有唔少戲院相繼倒閉，田雞指唔需要太灰心，作為持份者應轉變心態，加把勁拍多啲好戲，因為香港觀眾係會入戲院睇戲嘅！提到資深編劇導演文雋出post批香港電影評論學會冷待《破·地獄》，田雞表示希望學會喺機制、準則上可以更透明化！另外，談及最近有唔少內地演員被拐騙到「KK園」，田雞指慶幸香港業界未有case出現，大讚香港演員好醒目，對出埠拍戲係好小心，呼籲演員要了解清楚工作性質勿太心急開工！
同場麥啟光導演呢日走足兩場，夜晚將出席執導賀歲片《臨時決鬥》首映禮，佢對票房有信心，又搞笑話會入場支持「對手」《祥賭必贏》！仲透露《臨時劫案》會開拍延續版，相信主演群會係一樣嘅，但慨嘆依家的確係好難開戲，近年拍嘅電影仲係keep住減budget，又聽到唔少同行人呻冇工開兼眼見戲院倒閉已成大勢所趨，點樣可以化解？即刻送上足本訪問！
