古天樂今日以代言人身份出席法國葡萄酒品牌聖瑪仕Saint Mas產品發布會，佢話喺酒局入面最緊要係酒腳，但佢多數都係同圈外人飲，傾吓偈、減吓壓咁，仲開心share埋佢飲酒嘅習慣添！被問到有冇飲醉酒嘅經歷？古仔直言好少飲醉，每次都適可而止，同埋會擔任照顧人嘅角色！
講到主演嘅《九龍城寨之圍城》入圍金像獎14項提名，古仔話嚟緊齊人飛日本謝票嗰陣會順便慶祝！電影獲「遊戲之神」小島秀夫力推，古仔開心話知道呢件事，希望可以同對方見個面！談及佢同伍允龍雙雙被提名最佳男配角，今次又會唔會讓獎？
日前古仔同數百名fans一齊慶祝情人節，問到被fans冧叫做「Daddy」有咩感受？影大合照嗰陣被fans「突襲」錫面豬登？另外，混血肥仔Tommy最近同主持丁丁捲入「偷食」疑雲，兼被老婆芊蕙子爆婚內出軌，曾同混血肥仔合作拍片嘅古仔話係對方嘅私人事，就唔方便評論，又叫大家畀啲空間當事人！有網民摷返古仔同混血肥仔、丁丁喺10個月前嘅一條曼谷旅行片，片中古仔笑叫混血肥仔同丁丁口傳食物，更抵死笑話已幫佢搞掂離婚證書，被眾網民指係神預言，古仔又點回應？即刻去足本訪問片啦！
