【Viu】193@ERROR喺年初、趕喺ERROR演唱會前夕推出最新solo歌《Keep Walking》，呢首歌亦係佢三度身兼填詞人要職，筆下記錄去年中發生交通意外後嘅心情，同時藉住歌詞安撫自己心靈。33坦言事故後陷入低谷，有一段時間係收埋自己，足不出戶、唔敢見朋友，心理陰影面積有幾大係無法想像，最後佢又點克服一切？邊句歌詞係最click中佢嘅內心？
講到公公喺農曆新年前因病離世，33不禁流下男子淚，憶起公公生前對佢嘅無限量支持，佢感觸表示對一件事感到好自責，喺往後嘅日子33會點彌補呢個「過失」？ERROR出道6周年，歌影視三棲發展，曾講過因搞笑形象太深入民心，致歌手身份唔多被認可，到依家呢個moment，33又點睇呢？
另外，33亦有透露今年多方面嘅工作大計，先喺歌嘅部份，33預告暫時有兩個題材喺手；再嚟戲劇、藝術兩大範圍，33又會點挑戰自己？至於人生大事嗰part，33笑話身邊唔少朋友都趕住結婚，為嘅就係唔想另一半做高齡產婦，33對結婚又有冇憧憬？現送上與感性3嘅深情專訪！
