【Viu】ERROR成員193郭嘉駿嚟緊1月14號就踏入35歲啦，佢班老婆們今日就喺啟德某商場舉行兩場生日會，為老公慶生兼與眾同樂！唔止呀，老婆們仲首次包咗架「33號電車」做生日應援，呢架「33號生日電車」嘅紫色車身超Sharp醒，加埋Captain 33卡通公仔，Kawaii呢！
正所謂飯隨偶像，193出名轉數快，老婆們都唔係省油的燈，除咗送上「數碼暴龍機」造型蛋糕，襯返33個新紋身外，又齊齊為傳統生日歌配上英文生日歌詞，仲要啱音兼啱Beat，SLDPK呀！講到生日願望，33就化身「正能量大師」話：「最緊要開心！」仲叮囑老婆們唔使為咗自己而同Haters嘈交，又笑言自己依家只係「調教你Haters」，功德無量㗎！
33親解喺《無用的謊言》用生銹刀仔捅姜濤之謎，仲預告會喺ERROR開騷前出高難度solo歌，又諗定出年去邊度搞生日會，想過一個開心周末就睇現場實況啦！
