【Viu】193郭嘉駿、Yoyo葛綽瑤、Thor駱振偉、Dixon黃奕晨、Ash鍾卓穎、Alice許寶恆今日出席新劇《無用的謊言》記者會，「老婆們」瘋狂尖叫撐「33老公」，聲勢浩大！
為新劇放棄靚仔樣嘅33，笑言要紅到變國際巨星先會再以劇中造型出街，又話同Stanley打鬥連場，似足《激戰》中嘅張家輝同彭于晏，咁到底邊個係家輝？邊個係晏晏呢？等3爺話過你哋聽啦！
講到聽晚將會同泰國組合Scrubb合唱，3爺即席晒泰文，仲落足鞋油畀某Sponsor，笑到有腹肌呀！至於日前「綁架」花姐為ERROR會展騷谷飛，3爺就暢談花姐嘅曼妙身材，以及ERROR嘅生理反應，大癲呀！
此外，Yoyo透露同姜濤嘅親密戲就係MV入面嗰幾場，唔會再進一步，又自爆畀193揈開嘅慘況，笑Cry！有份演出《破．地獄》嘅Thor就妙論子華神同姜濤，大家睇足本訪問就知啦！
