【Viu】繼續緊貼兩位「錯仔」193、阿Dee喺Viu Original本地原創劇《同居少女諸事卜》入面兩男爭Cloud雲浩影實況！呢日佢哋喺劇入面終於初次碰面，193預告為一步到位搶得美人歸，就即時take action「插旗」！又爆笑透露本來想自肥加人身攻擊字眼對白「攻擊」阿Dee，但礙於角色君子性格，就唯有忍痛刪減設計對白！
喺打大出手、唇槍舌劍都欠奉嘅情況下，呢兩位情敵惟有鬥身家，同時晒出兩部紅色「戰車」，點分出勝負？阿Dee見飾演機師嘅193有使出制服誘惑大絕，佢都不甘示弱拎套「制服」出嚟騷Quali！而講到同女主角Cloud今次合作，阿Dee「反擊」踢爆3爺被食住，竟然有啲咁嘅事？
喺戲內爭女咁精彩，咁又唔知3爺同阿Dee喺戲外又有冇試過同兄弟、陌生人同時追求同一位心儀女孩？當阿Dee開心share puppy love回憶嗰陣，被193質疑曾懷疑自己性取向？另外，阿Dee繼為兄弟33執導佢首歌《B出口》MV後，又有冇心郁郁想試吓拍劇集？193即刻諗橋幫兄弟，果然係bro！溫馨提示，睇訪問片小心笑到甩牙骹！
