【Viu】Dee哥何啟華、193郭嘉駿、Cloud雲浩影、Kayan9896同鄧月平今日出席Viu Original本地原創劇《同居少女諸事卜》試映會，33直言喺劇中大晒演技，自封「堆填區影帝」，封埋Dee哥做「堆填區甘草」，仲爆Cloud超搶口，長期寸贏ERROR！講到喺劇中爭女，兩位就話現實中冇可能，事關Dee哥鍾意新歌《無敵聖衣》入面嘅「濟典娜」Type，佢仲話歡迎各位Man啲嘅女士報名組隊。
日前生日嘅Dee哥就爆兄弟們有咩「祝福」，仲分享「羊群」細心製作嘅禮物，點知又畀33笑似「燒畀你」嗰Type！33亦開心Share同Edan、肥仔、張繼聰打波嘅趣事，仲立Flag要戰勝Edan，講講吓爆埋肥仔鍾意痴「流汗男人」嘅怪癖，笑爆呀！
此外，Cloud、Kayan9896同平平推介必睇場口，Kayan9896揚言要捉男友齊齊「觀摩」同林德信嘅談情戲添呀！
