【Viu】仙氣女神Cloud雲浩影早前傳出撻着音樂監製T-Ma，仲有二人出席朋友聚會嘅親密照流出！今日Cloud現身品牌活動大方承認同T-Ma因合作而了解中，仲透露已經了解咗幾個月嘅時間，但冇諗過咁快就會被「公開」！Cloud大讚T-Ma係好男仔，為人細心、又會take care佢，自爆奪取其芳心全靠一招！各位男士可以學吓嘢啦！
之但係佢哋之間差啲咩未正式開始？Cloud就好玄咁話係爭「時機」，未知佢所講嘅「時機」係咪就係聽日嘅情人節？佢哋聽日又有冇約？如果真係一齊咗之後，T-Ma係咪會變成御用監製？之後合作會唔會偏心？驚唔驚會多咗機會嘈交先？到最後Cloud亦指如果真係拍拖就會出post公布，咁就靜候Cloud嘅好消息啦！
