【Viu】舞台劇《遺憾收藏館》今日進行綵排，主演暨編劇Elsie孖Cloud雲浩影、Hillary劉沛蘅、釗峰率先上演連場好戲！Elsie笑話專登寫咗條愛情線畀Hillary同Eric梁嘉進，點知呢對「情侶」之間嘅粉紅泡泡太勁，搞到導演之一嘅朱栢謙整咗個「紅/黃牌」，嚟警告佢哋唔可以咁親密！
Elsie更直言驚Eric會收刀片，究竟呢對「情侶」有幾咁親密？淨係見Hillary一直猛咁甜笑，而Eric就自稱係專業演員：「唔關我事㗎！係Hillary太有魅力！」Elsie聽到又忍唔住爆Eric對住Hillary圍讀紅到面晒，跟手「鬧」Hillary「好賤格」，呢單嘢真係十個趣！講到咁，Hillary、Eric完劇後會唔會真係劇假情真撻着㗎？
釗峰同Cloud演兩兄妹，Cloud「控訴」釗峰話自己冇吸引力，甚至去到絕緣level！不過佢哋開心因為呢齣舞台劇而多咗個哥哥、妹妹，釗峰一爆再爆，爆Cloud有「蛇浩影」呢個朵！而Cloud反擊爆釗峰係「水造」，綵排嗰陣喪喊！愈接近公演日子，佢哋就話愈緊張，釗峰仲緊張到胃痛！足本訪問片已經ready好，快啲click入去睇啦！
