【Viu】MIRROR「夜粥小組」Lokman、AK、Alton同Frankie、Cloud雲浩影同Snoopy詹仕偉今晚出席沙田嘅倒數活動，「夜粥小組」仲首度獻唱新歌《FING!》，High爆全場！
「夜粥小組」開心Share新年祝福同願望，至於AK喺台上話要拍嘅寵物飲食節目，成數又有幾多呢？三位兄弟就爆笑解畫喇！「夜粥小組」又呼籲大家公開爭取四子可以合體再出歌，Lokman同AK化身「橋王」教大家點樣Plug歌，前者親自示範「口耳相傳」；後者著大家去公司門口靜坐，而Alton就連下首新歌歌名都改埋叫《FINE》，咁有誠意梗係要出多首啦！講到出歌，原來Frankie都將會為劇集獻聲，期待呀！
此外，首次參與倒數活動嘅Cloud，直認被現場嘅熱烈氣氛感動到眼濕濕，仲話希望今年出跳唱歌同開騷添，但就唔敢向「四大才子」請教，擔心學費好貴喎！講到遊富士山時誤入台灣網友鏡頭，成為「網絡女神」，Cloud都有爆笑回應呀，想知就睇足本訪問啦！
