【Viu】MIRROR喺《叱咤》橫掃8獎成大贏家，12子都認為係好開始，個人獨擸4獎嘅Ian仲承諾唔止請軒公，仲會請隊友食飯，但佢都好Humble咁話唔會因為「登頂」就覺得自己好勁，只係覺得可以鼓勵同樣曾陷自我質疑嘅朋友，可以再次相信自己做得到，好inspiring呀！Ian直言宣布得獎一刻腦海一片空白，心跳超快，仲畀AK踢爆佢借自己電話嚟睇歌詞，點知Jeremy同姜濤反爆AK喺台下爆金句，係咪好想知呢？
至於再奪「我最喜愛的男歌手」同「我最喜愛的歌曲」嘅姜濤，坦言誠惶誠恐，事關明白到自己未必係大家心目中嘅「最喜愛」，仲親解行落台唱《好得太過份》嘅原因！
而Anson Lo都好開心《Hey Hey OK！》可以得到歌曲獎，仲話最緊張係Opening同姜濤、Moon跳踢躂舞，連「跳舞教主」都被考起呀！
