【Viu】MIRROR今曰全員出席最新團綜《MIRROR Chef》記者會，吸引大批鏡粉捧場，迫爆4層商場，場面墟冚！
席間MIRROR分享拍攝趣事，教主水準依舊，係「西蘭花炒雞柳」同「煎冬瓜」嘅代言人；阿Jer就升呢「小炒王」；姜濤就自爆淥撈麵變咗湯麵；Stanley堅持嗌外賣係最正確嘅決定，大家聽完都知佢哋咩料啦！
日前喺澳門《NBA傳奇名人賽》上大晒球技嘅姜Admin，不時拉筋伸展筋骨，仲嚟咗招「金雞獨立」，真係好Cute Cute呀！
最後MIRROR仲同現場Fans玩遊戲，送出12件簽名Tee，最正係正副隊長Lokman同AK超有默契，Fans未答就先嗌：「啱呀！」笑爆全場！
