【Viu】Michael 許冠文、汪明荃、黃百鳴等今晚出席新片《誤判》首映，Michael San由《破．地獄》嘅「Hello文」搖身一變做大法官，連影相時都要Chok個法官「諗樣」，又跟百鳴哥同阿姐學派心，Cute爆全場，連蔡思貝都趁散場時急急集郵！
百鳴哥透露用咗一杯咖啡就打動Michael San出山，阿姐亦係一口答應，成就今次嘅世紀合作！正當Michael San以為那些年喺《雙星報喜》同阿姐合作過時，阿姐即更正話冇合作過，笑爆全場！許冠文坦言希望《誤判》可以打破《破．地獄》嘅票房紀錄，仲笑言叫老闆黃百鳴加片酬添呀！
至於阿姐就話幾廿年冇拍戲，今次出山後覺得幾好玩，仲大讚吳鎮宇成熟咗好多。阿姐又分享孖Anson Lo同林家謙等新生代音樂人合作嘅趣事，仲踢爆教主好大食添；而百鳴哥就親解做MC澳門演唱會嘉賓嘅成數，想知就睇足本訪問啦！
