【Viu】阿姐汪明荃噚晚完成一連兩場紅館演唱會，第一場有Kelly陳慧琳、林家謙做表演嘉賓，家謙喺台上指受顧家煇大師影響而成為音樂人，所以準備《用愛將心偷》同Lisa姐合唱，之後佢仲獨唱《迷人Pink Lady》送俾Lisa姐！Kelly就同阿姐合唱《自由女神》，又有家英哥唱《Only You》！
去到第二場！阿姐繼續以黃金、紅寶石、珍珠、翡翠、鑽石共5 種珠寶顏色造型登場，阿姐喺台上同嘉賓Joey容祖兒合唱《我的驕傲》，祖兒話曾經煮嘢俾阿姐食，而家又同阿姐合唱，係人生成就解鎖！
汪阿姐表演完《像白雲像清風》後，就介紹另一嘉賓Anson Lo出場，二人合唱《紫釵恨》。教主感謝阿姐邀請佢做嘉賓，佢同祖兒一樣講食好西話題，笑指去阿姐屋企拜年有好多嘢食！二人再合唱《迷人 Pink Lady》同Anson Lo獨唱《Hey Hey OK》！
去到Encore環節，阿姐唱《Make my day》，為個唱劃上完美句號！阿姐都相當寵粉，佢喺首場演唱會後去場外多謝粉絲支持，仲收到粉絲所送嘅唔少窩心禮物！
