【Viu】Jeffrey魏浚笙、林宣妤同鄧卓殷今日到馬場出席活動，講到韓流天王Rain擔任表演嘉賓，Jeffrey慨嘆緣慳一面，事關細細個就聽Rain Oppa嘅歌，仲即席示範「韓式呼吸」添，笑爆全場！
瘦咗好多嘅Jeffrey透露，最近忙拍ViuTV原創劇《IT狗2.0》嘅同時，正積極操肌準備拍電影，由於今次唔止要爆肌，仲要爆筋，所以日日都影相做reference，笑認成個電話都係半裸相，仲沾沾咁話目前成績一定超過大眾嘅標準，巧中二呀！
此外，講到曾合作嘅林明禎陷「失場風波」，Jeffrey就一副無語問蒼天嘅表情爆金句，想知係乜就睇足本訪問啦！
