【Viu】ViuTV全新實況節目《選角》即將啟播，節目策劃人兼校長謝君豪、主持人Peter陳湛文今日率領其中39位學員現身！對比起日前豪哥着消防員制服晒兩臂猛嗌Oshi，簡直係極大反差，就連佢自己都笑話今日斯文咗超多！出任評判嘅毛舜筠一聽到豪哥着背心就勁high，莫非Mo姐想親自點閱？
豪哥食咗誠實豆沙包話有偏心某啲學員，又爆每個回合都有黑馬跑出，令佢喜出望外！Peter直認今次喺豪哥同其他導師身上「偷錢」，受惠到唔少演出技巧！今次令Mo姐應承做評判係因為一男子？問到佢有咩評分準則，豪哥秒跳出嚟叫Mo姐要注意最好唔好講一句評語，係咩呢？
Peter則點名睇好Willis，佢話一早已經識對方，當時Willis仲係做緊導演，好surprise Willis跳到幕前演出都唔差！被指係正氣擔當嘅Willis亦坦言參加《選角》係好大挑戰，自稱無論經驗、身型、技能都唔及其他學員，會努力裝備自己！被學員封做「前輩」嘅右雨笑話好大壓力，比賽初期以為有主場優勢，但其實都係有淆底！佢暗示會展開人生新階段，當呢次比賽係最後機會，就訓身一搏！同為有幕前經驗嘅仲有暐翹@STRAYZ，佢反而話唔緊張，咁佢參加比賽嘅原因又係咩？
獲封顏值擔當嘅Meaning曾參加試當真校花校草選舉，呢次轉戰《選角》有咩契機？零演戲經驗驚唔驚被標籤淨係得靚仔樣？非洲mix香港嘅Caro係演舞台劇出身，有冇覺得有優勢？強項又係咩？另外，Mo姐又點睇兩位「囝囝」Edan、Jer嘅緋聞呢？即刻去片睇足本訪問啦！
