【Viu】影帝謝君豪最近特意抽空開辦大師班授徒，指導一眾新演員演技，學生包括Hillary劉沛蘅、ANSONBEAN、陳紫萱同Hazel林熙彤等，豪哥坦言最開心見到學生嘅成長同蛻變：「佢哋每個人都有唔同嘅成長，呢樣嘢令我感覺打咗支強心針，即係自己教導都有啲成果，好似少少成就解鎖！」
嚟到大師班最後一堂，學生們仲送上感謝信畀豪哥，令佢好感動！豪哥話：「教書好開心㗎，首先第一樣嘢就係溫故知新，做演員好基本嘅嘢，自己教書嘅時候會諗返，然後提醒返自己，教學相長我覺得好有意思。第二樣嘢，就係睇到佢哋嘅成長，真係好開心同埋感動。」
Hillary直言喺豪哥身上獲益良多，為9月首演舞台劇做足準備；ANSONBEAN就學識要戒小動作去投入角色。
最後豪哥呼籲業界要畀多啲機會年輕演員，因為有機會實踐先可以進步，仲親解加入「謝家班」嘅門檻，想知就睇足本訪問啦！
