【Viu】Dee@ERROR、Jeffrey魏浚笙、謝君豪、Locker、梁仲恆、黃愷傑，今日再次着上消防員制服，為主演電影《焚城》拍主題曲《一世隊友》MV，呢首歌係郭偉亮將《最佳損友》重新編曲 變成punk rock版《一世隊友》，而今日班猛男就齊齊大騷吸睛麒麟臂！阿Dee笑話再着起制服，下半身寧舍有自信，Locker同樣話下半身好fit，典解集中於下半身呢？唔知佢哋啱啱有冇偷操肌？
戲中有幕係佢哋齊齊邊沖涼邊唱歌，會唔會重現呢幕先？阿Dee超有自信咁話，如果再拍返同一場口，驚有part大得濟嚇親大家呀！Jeffrey爆佢哋會濕身喎，咁有睇頭？
呢次Locker難得開金口唱歌，佢自己都覺得好surprise，4子亦即刻諗咗個組合名，話要報叱咤攞組合獎！Locker更話要跟兄弟胡子彤隊出solo歌，阿Dee秒獻處男歌名畀Locker，認真夠老友，睇嚟Marf指Locker會開個人騷係指日可待！
講到阿Dee同肥仔依家都考緊車牌，有冇信心路試一take pass？阿Dee立flag話一take pass冇問題，但秒被謝君豪聽出破綻，兼笑阿Dee實唔合格，真係畀佢哋笑死！阿Dee亦自爆已經有睇緊車，仲諗好想要車牌「Humble」添！另外，四子會唔會趁呢次出消防員日曆？想知就真係要睇足本訪問啦！小心笑到肚痛呀！
