【Viu】香港影史首部以輻射為主題嘅災難電影《焚城》，即將「擴散」至全港戲院上映！其中Jeffrey魏浚笙、謝君豪分別飾演消防員新丁「細柱」同消防總隊目「煙剷」，喺戲中佢哋成日孖住行動，而喺戲外Jeffrey亦成日黐住前輩謝君豪鬥嘴，齋係講引體上升，兩個秒變「機關槍嘴」，火花十足！
為演活消防員，佢哋喺拍攝前都有專登去上消防員雞精班，例如學吓點着「黃金戰衣」、捲消防喉、開街井、吊高等等，唔知對佢哋嚟講邊part最辛苦？謝君豪直頭話做完某part訓練係攰到虛脫想嘔！
講到戲中難忘場口，呢對nice match不約而同揀咗同一場掌摑戲，除咗打嗰個爽YY之外，同場爆破環節亦令佢哋畢生難忘！Jeffrey自爆係另一場爆破戲唔小心整親下巴，好彩保得住個靚仔樣！
另外，謝君豪爆笑指證Jeffrey同「阿炳」梁仲恆夾埋令佢跌入地底窿，不過「嫌疑犯」之一嘅Jeffrey極力否認，最後件事演變咗場羅生門，到底誰是誰非？即刻去片開估！
