【Viu】吳君如率領電影《我談的那場戀愛》眾演員兼導演，趁今日係追月佳節去戲院謝票，老公陳可辛仲專登嚟撐場一齊派心心，賀票房破500萬佳績！君如爆印象最深刻，喺其中一場謝票有位25歲少女，大方分享曾被呃嘅經過！君如、張錦程異口同聲話有各自同囡囡講小心騙案，君如更自爆早喺5、6年前想過偷睇囡囡部電話，咁唔知佢又有冇check過陳可辛嗰部呢？
戲中佢哋飾演一對協議離婚嘅夫妻，只有幾場對手戲，所以佢哋都話唔夠喉，想遲吓再交過手！君如又指呢次係佢推薦錦程做呢個角色，事緣係睇過對方演嘅舞台劇，搞爛gag大讚對方：「好耐冇睇過錦程用咁多感情，去演一個咁有感情嘅舞台劇！」全場聽到即刻喪笑！
咁啱君如之前接受Do姐訪問話想開拍賀歲片，或者呢「兩公婆」可以再合作喎！君如即抵死笑話細細個就睇錦程扮「羊嫂（祥嫂）」，錦程亦秒反擊話細細個睇君如做「程大嫂」撩鼻屎，咁樣「耍花槍」超有火花！即刻去睇足本訪問片笑餐飽啦！
