【Viu】Stephy鄧麗欣日前被影到孖6呎高、「翻版」Rain嘅猛男買餸，繼而宣布新戀情！今日係Stephy認愛後首度現身，孖吳君如為電影《我談的那場戀愛》嘅speed dating活動做嘉賓，當Stephy笑話都想試吓嗰陣，被君如笑話：「你唔使啦！」引全場大笑！
講到新戀情，Stephy話雖然想低調，但又未至於介意同大家開心share，被影到就大方承認！佢又冧豬樣指被對方嘅細心攻陷芳心！拍拖幾耐就冇講到，不過Stephy形容係足以互相了解嘅時間！
咁啱新男友都係台灣人，莫非Stephy鍾情台男？男友對被指同Rain撞樣開唔開心？佢哋又係點樣認識？Stephy更表示已經見過家長，問到係咪以結婚為大前題交往？Stephy甜笑話見步行步，唔諗太多，最緊要相處得開心！
君如教路如果一對男女新認識，男方最好慷慨啲、唔好咁孤寒，最好就請食飯！但當一問到同陳可辛首次Dating嘅表現？君如突然沉默，繼而答咗個超爆笑嘅答案，篤爆陳可辛遲到45分鐘兼餐飯要AA制！咁點解君如都冇foul走陳可辛，究竟陳可辛邊方面令佢着迷？
講到情侶相處之道，君如笑爆嘴話就係要忍得、等得，同埋唔好批評！若然18歲囡囡Jillian話想speed dating，君如風趣話舉腳贊成，最好就帶埋佢去！之後再爆埋囡囡想落club但被拒嘅笑料，想知detail就睇足本訪問片啦！
