【viu】吳君如、MC張天賦、Stephy鄧麗欣今晚現身電影《我談的那場戀愛》首映禮，君如做「影后」大晒美背，超sexy呀！佢話今次同小鮮肉MC合作好有新衝擊，又劇透佢哋喺戲中有一幕背對背嘅同框情節，抵死笑話咁都有被MC個靚背電親！
MC笑話冇諗過今次拍戲同電話對戲多過對人，同君如異口同聲話同電話「交流」好難！咁君如拍嗰陣係咪幻想緊同陳可辛FaceTime？之前同開妹妹拍拖嘅MC，指拍完戲覺得姐姐都唔錯，仲列出兩項擇偶條件添！
Stephy戲中飾演瓊姐，佢形容角色係一個風情萬種嘅女人，有唔少男fans睇完優先場都爭住舉手話想畀Stephy呃，Stephy又點回應？提起台灣男友被「點相」，樣貌曝光，Stephy冧笑話男友個新朵係「李炳憲」，又謂男友有被身邊朋友陸續認出，搞到唔知點應對，所以叫大家畀啲空間佢！
唔知遲吓睇戲會唔會見到呢個組合謝票呢？另外，MC亦有回應到喺日前同Jer@MIRROR開騷爆軚笑料，佢搞笑話好彩冇走光，同時加碼自爆試過有拉褲鏈，究竟係幾時發生？快啲click入嚟睇足本訪問啦！
