【Viu】吳君如、MC張天賦、Stephy鄧麗欣今日出席新片《我談的那場戀愛》活動。君如大讚演網騙新手嘅MC有說服力，仲自爆二人私下感情好，有趁去日本札幌外景時，約食飯小酌一下。
MC難忘Stephy幫佢打呔，仲話尷尬癌上身要邊拍邊捉實欄杆，so cute！Stephy就話冇試過同男朋友打呔，不過就冧豬話最近有兩口子通宵睇奧運，咁有冇一人一啖互餵薯片？
君如透露只收親戚價拍呢部電影，又笑稱日前生日仲著露背裝帶囡囡去Clubbing，可惜冇俾男仔撩。講到好友鄭中基近日發表抑鬱言論，君如話有打過俾對方但Ronald冇接，仲話Ronald客串電影時心情好好唔似有事。
