【Viu】Ronald鄭中基、吳君如同莊文強導演今日拍攝《機動兵工廠》最後一集，Ronald笑言驚君如冇期，早3個月已經請食飯邀請對方做評判；君如就大讚6位學員李煥林、何求、陸維德、阿杰、林美圻、超酸質素高，事關要自編自演獨腳戲，一啲都唔簡單！君如又話想阿女陳是知嚟跟Ronald學嘢，因為阿女唔聽阿媽話，反而會聽外人話，仲爆阿女最近努力學戲，希望憑實力casting，絕對冇走後門。
講到Ronald囡囡喺學校表演唱歌，一鳴驚人，佢就謙稱阿女唔係天籟之音，仲話佢好怕表演，所以經常婉拒嗲哋嘅要求。
此外，何求、阿杰同超酸話喺影后君如面前演戲壓力大，但大家都有信心奪得合約，就算勝負與否都無損友情！
