【Viu】Ian陳卓賢首個個人演唱會《IAN CHAN“TEARS” IN MY SIGHT SOLO CONCERT 2024》，昨晚（20日）第二場有Ivana王菀之做嘉賓，真係超驚喜！兩位「I人」兼唱作人走埋一齊，可以話係惺惺相惜，合唱Ivana嘅《迷失藝術》後， 企位仍保持一大段距離，Ivana認真表示：「我突然覺得企呢個...同你呢個距離，同埋喺你呢個舞台上面有啲親切感，唔知係咪因為我哋都係鯨魚類呢？」
陳總曾經講過好想跟Ivana合唱，如今夢想成真，台上Ian話好鍾意cover Ivana啲歌，Ivana笑言因為Hellosss好錫偶像，所以一定知道，搞到Ian一秒變「阿尷」：「你修飾得好好。」
Ivana透露平時好少出街，多數匿埋喺屋企，今次「破例」做Ian演唱會嘉賓梗係有原因：「我被你感動咗！」Woo，全場Hellosss拍爛手掌，Ivana續說：「我係畀你對你自己想做好音樂嘅熱誠感動咗，我知你想做一個好出色嘅唱作人，咁你咪做到囉。」Ian承諾：「咁我哋一齊努力吖。」之後Ian先落台，準備交個舞台俾Ivana獨唱一曲，Ivana不經意一句：「咁你自便啦。」Ian：「咁我落去，呢度你自便啦。」兩位「I人」嘅真情對話真係超有喜感，想知Ivana對Ian仲有咩想講，咁就快啲睇片。
